Estatu espainolak, momentura arte, Atzerritarren Legearen Araudiaren artikulu bat aitzakiatzat hartuta, lan errotzeagatiko baimenak ukatu izan dizkio modu legalean lan egin duten lagunei. Hau da, lan errotzeagatiko baimena beltzean lan egin den kasuetara mugatzen zen.
Honela, beste batzuen artean, asilo eskatzaileek eta erresidentzia berriztu ezin izan duten lagunek, baldintzak bete arren, ezetza jasotzen zuten, hainbat hilabete edo urte lanean eman arren, kontratuarekin eta Gizarte Segurantzan alta emanda egin zutelako. Harrigarria? Injustizia? Ez. Estatu espainolaren migrazio politika.
Bada, Auzitegi Gorenaren ebazpen baten bitartez, zentzugabekeria honi amaiera eman zaio.