Gurean bizi diren lagun migranteen egoera administratiboa erregularizatzeko aparteko prozedura da.

Baldintzak betetzen badira eta, hortaz, eskaera onartu eta baiezkoa ematen bazaio, erresidentzia baimena jasoko da. Baimen honek urtebete iraungo du eta lan egitea ahalbidetuko du.

Eskaerak 2026ko ekainaren 30era arte egin daitezke.

Betiko moduan, edonon aurkitu ahal duzuen informaziotik harago, kontu erabilgarriak eta lotura zuzenak ere aurkituko dituzue, hala nola…

Eskaera-orri ofizialak (jaisteko moduan), bai asilo eskatzaileentzat, bai egoera irregularrean daudenentzat.

Bestelako inprimaki eta txosten ofizial batzuk, hala nola zaurgarritasun txostena

Eskaera online egiteko eskuliburuak (Mercurio plataforma erabiltzeko) eta sarbide zuzenak

Eskaera aurrez aurre egiteko zeintzuk bulego jarri diren martxan (Gizarte Segurantzakoak zein Posta zerbitzukoak), lau herrialdeetan, helbide eta guzti.

Prozedurari dagokion tasa online ordaindu ahal izateko helbidea, hilabetera atera behar den TIEren ingurukoak, urtebetera egin behar den baimen aldaketa…

Erregularizazio prozesua (2026)
Related Articles
Enplegua sustatzeko osagarria (subsidioarekin)
Enplegua sustatzeko osagarria (langabeziagatiko prestazioa eta lana)
Ezintasun handia (2026)

Erregularizazio prozesua (2026)

2026/04/20

— 316/2026 Dekretua, Atzerritarren Legearen Araudia aldatzen duena

Gurean bizi diren lagun migranteen egoera administratiboa erregularizatzeko aparteko prozedura da.

Baldintzak betetzen badira eta, hortaz, eskaera onartu eta baiezkoa ematen bazaio, erresidentzia baimena jasoko da. Baimen honek urtebete iraungo du eta lan egitea ahalbidetuko du.

Eskaerak 2026ko ekainaren 30era arte egin daitezke

Nori dago zuzenduta?

— Nazioarteko babesa (asiloa) eskatu duten pertsonak. Asilo eskaera 2026ko urtarrilaren 1a baino lehen egin behar izan da.

— Egoera administratibo irregularrean dauden pertsonak. 2026ko urtarrilaren 1a baino lehenagotik heldu behar izan da Estatura.

Bete beharreko baldintzak

• Adin nagusia izatea

• Eskaera egiten den momentuan, gutxienez, 5 hilabete eman behar izan dira Estatuan bizitzen, segidan.

• Ezin da aurrekari penalik eduki. Honetaz gain, pertsona ezin da “ordena, segurtasun edo osasun publikorako arriskugarria” izan (hau zehazkiago azalduko dugu).

• Tasa ordaindu behar da (790 eredua, 052 kodea). 2.3.1. atala markatu behar da. Tasagatik 38,28€ ordaindu behar dira. Eskaera egiten denetik, hamar egun baliodun daude ordaintzeko. HEMENTXETIK egin ahal da. 

Hiru egoera hauetako bat egiaztatu behar da

Egoera administratibo irregularrean dauden pertsonek hiru egoera hauetako bat egiaztatu behar dute (asilo eskatzaileek ez dute honelakorik egin behar). Bakar batekin nahikoa da, ez da beharrezkoa hirurak betetzea.

— Lana:
               • Espainiako Estatuan lan egin dutela (inoren kontura ala autonomo moduan).
               • Lan kontratu bat badaukatela. Hobeto esanda, lan eskaintza bat edo “aurrekontratu” bat badaukatela. Lan eskaintza edo aurrekontratu hau, gutxienez, 90 egunetarako izan behar da.

— Familia: seme-alabekin (adin txikikoekin edo desgaitasunen bat daukaten adin nagusikoekin) ala gurasoekin bizi dela.

— Zaurgarritasuna: Zaurgarritasun egiaztagiri bat aurkeztu ahal da. Ziurtagiri hau udaletako gizarte zerbitzuek sinatu ahal dute edo, bestela, erakunde laguntzaileetako batek. Hemendik jaitsi ahal duzue egiaztagiri ofiziala (txosten oso sinplea da, baina dokumentuan bertan hobeto ikusiko duzue zertan datzan). Eta erakunde laguntzaileen zerrenda ofiziala ere kontsultatu ahal izango duzue.

Zaurgarritasun txosten ofiziala
Erakunde laguntzaileen zerrenda

Dokumentazioa

• Identifikazioa (pasaportearen, inskripzio zedularen edo bidaia tituluaren kopia osoa -indarrean edo iraungirik-).

• Eskaera-orri ofiziala (hemengo loturetatik jaitsi ahal da):

— Asilo eskatzaileentzako eskaera-orri ofiziala (EX31) (PDF autoeditablea)
— Egoera irregularrean daudenentzako eskaera-orri ofiziala (EX32) (PDF autoeditablea)

• Azken 5 hilabeteetan Estatuan egon izana egiaztatzen duten dokumentuak: errolda ez da ezinbestekoa, beste bide batzuetatik ere frogatu daiteke, hala nola, pasaportearen sarreraren zigilua, Estatura etortzeko hegalaldia, banku dokumentazioak, ikasketak, alokairu kontratuak, mediku hitzorduak, garraio txartelak… hau da, Estatuan egin diren edozelako izapideak, baina, adi, izen-abizenak bertan azaldu behar dira.

• Aurrekari penalen egiaztagiria. Estatu espainolekoak, jatorrizko herrialdekoak eta eskatzailea azken bost urteetan bizi izan den herrialdeetakoak. Hilabete pasatzen bada eta dokumentazioa ez bada heldu, administrazioari jakinarazi behar zaio, Ministerioak bide diplomatikoki eska ditzan.

Lehen esan dugunez, eskatzailea pertsona “arriskugarria” ez dela egiaztatu behar da. Honetarako, ez da aparteko dokumentaziorik eman behar. Aitzitik, administrazioak berak egiaztatuko du polizia txostenen bitartez.

ADI! Baliteke poliziak inoiz gelditu izana, baita isunen bat jarri izana. Honek ez du esan nahi aurrekari penalik dagoenik. Arau hauste administratiboak (adibidez, kale-salmenta) ez dira delituak. Beraz, eskaera berdin-berdin egin liteke. Nolanahi ere, poliziarekin edozein arazo egon bada, hobe da aldez aurretik galdetzea eta aholkua eskatzea.

• Egoera administratibo irregularrean egonez gero, aipatutako hiru egoeretako bat egiaztatzen duen dokumentazioa (gogoratu asilo eskatzaileek ez dutela honelakorik aurkeztu behar):

— Estatuan lan egin dela frogatzen duen dokumentazioa edo enpresarekin ala pertsona enplegatzailearekin adostu den aurrekontratua (lan eskaintza).
— Eskatzailea seme-alabekin edo gurasoekin batera bizi dela egiaztatzen duen dokumentazioa.
— Zaurgarritasun txostena.

Prozedura

1. Eskaera behin eginda, administrazioak komunikatuko digu prozedurari hasiera eman diola. ADI! Komunikazio hau OSO GARRANTZITSUA DA. Ez da erresidentzia baimena bere horretan, baina, dokumentu hau daukagunetik, Estatuan bizitzeko eta lan egiteko behin-behineko baimena izango dugu.

Kontuz, ez nahastu eskaera aurkeztu izanaren ziurtagiria (eskatu bezain laster ematen duten frogagiria) eta prozedura administratiboaren hasieraren komunikazioa. Komunikazioa Espedienteak Tramitatzeko Unitateak (UTEX-ek) egingo du eta bertan, besteak beste, Gizarte Segurantzaren zenbaki bat azalduko da.

2. Dokumenturen bat falta badugu edo akatsen bat badago, administrazioak 15 eguneko epea emango digu hau konpontzeko.

3. Administrazioak eskaerari erantzuna emango dio. Hiru hilabete dauzka, gehienez, baiezkoa ala ezezkoa emateko.

4. Administrazioa baimena ematen duenean, urtebeterako erresidentzia eta lan baimena izango dugu (eskaera egin den momentutik zenbatzen hasita). Honekin batera, administrazioa eskatzailearen kontrako kanporatze agindurik tramitatzen egongo balitz, bertan behera utziko ditu.

5. Hilabete dago Atzerritarren Nortasun Txartela (TIE) eskatzeko.

TIEren inguruko informazio gehiago HEMEN
TIE non eta nola eskatu HEMEN

6. Urtebete pasaturik, beste erresidentzia baimen bat eskatu behar da edo, hobeto esanda, erresidentzia baimena aldatzeko eskatu behar da (“Modificación de la autorización de residencia temporal a autorización de residencia y trabajo”)

Esan bezala, baimenak urtebete irauten du. Iraupena amaitu baino hilabete bi lehenagotik baimena aldatzeko eska daiteke. Baimena iraungi eta hurrengo hiru hilabeteetan ere eska daiteke baimen berria, baina, behin iraungita eskatuz gero, administrazioak isuna ipiniko du. Apuntatu ondo epeak eta ez utzi denbora pasatzen.

Seme-alabak ere erregularizatu ahal dira?

Eskatzaileak adin txikiko seme-alabarik badauka, prozedura berean erregularizatu ahal izango ditu. Adin txikikoei emango zaien baimena bost urtetarako izango da. Ikusten denez, baimen luzeagoa da, umeak babestuago egoteko, baldin eta gurasoek urtebeteko baimena amaituta, berriro egoera irregularrera pasatzen badira. Urtebete pasatuta, esan dugunez, baimena aldatzeko eskatuz gero, ez litzateke halako arazorik egon beharko, edozein kasutan.

Lan eskaintza edo aurrekontratua (etxeko langileak eta gainontzeko sektoreak)

Aipatu dugunez, asilo eskatzaileak ez direnek lan eskaintza bat aurkeztu ahal dute. Kasu askotan jendea paperik gabe lan egiten ari da. Hau oso ohikoa da etxeko langileen kasuan, baina baita beste sektore batzuetan ere, hala nola ostalaritzan eta abar.

Pertsona enplegatzailearentzat ere onuragarria da langilea egoera erregularrean aritu ahal izatea. Honelako kasuetan ez da zertan esan eskatzailea honezkero lanean ari denik. Inork ez du galdetuko, inor ez da enteratuko eta enplegatzaileak ez du inolako arazorik izango.

Egin behar den gauza bakarra da “aurrekontratu” bat. Aurrekontratua kontratuaren antzeko dokumentu bat da. Bertan enplegatzailearen eta langilearen datuak, jardunaldia, soldata, egingo den kontratuaren iraupena eta bestelako baldintzak azaldu behar dira. Pertsona hori kontratatzeko konpromisoa da. Hau da, lan eskaintza bat, besterik ez. eta, Esan bezala, inork ez du galdetuko langilea lehenagotik ari ote den etxe edo enpresa horretan lanean.

Adi! Oso garrantzitsua da aurrekontratuan klausula bat txertatzea, non adieraziko den lan kontratua indarrean hasiko dela langileak Estatuan bizitzeko eta lan egiteko baimenduta dagoen momentuan. Zalantzarik izanez gero, sindikatuarekin jar zaitezke kontaktuan.

Non egin behar da eskaera?

ONLINE edo bulegoetan aurrez aurre egin daiteke.

BULEGOETAN AURREZ AURRE

ADI! Aldez aurretiko hitzordua eskatu behar da DERRIGORREZ. Hitzordua eskatzeko:

Gizarte Segurantzako bulegoetan:

ARABA: Eduardo Dato kalea, 2 (Gasteiz)
BIZKAIA: Sabino Arana Etorbidea, 3 (Bilbo)
GIPUZKOA: Otamendi Anaiak, 13 (Donostia)
NAFARROA: Oliveto Kondearen kalea, 7 (Iruñea)

Postako bulegoetan:
(aldez aurretiko hitzordua azaldu dugun bezala hartu behar da, baita Posta zerbitzuan egiteko ere)

ARABA:
Postas kalea, 9 (Gasteiz)
Legutianoko Atea, 12 (Gasteiz)
Kuba kalea, 2 (Gasteiz)
Mediterraneoko Etorbidea, 39-41 (Gasteiz)

BIZKAIA:
Urkijo Zumarkalea, 19 (Bilbo)
Lehendakari Agirre, 22 (Bilbo)
Julian Gayarre kalea, 84 (Bilbo)
Epaltza Alarguna kalea, 3 (Bilbo)
La Casilla Plaza (Bilbo)
Particular Allende kalea (Bilbo)
Espinosa Oribe Doktorea kalea, 3 (Bilbo)
Terrene kalea, 6 (Algorta)
Santa Ana kalea, 4 (Areeta)
Arana kalea, 8 (Barakaldo)
Bake kalea, 34 (Barakaldo)
Lopez de Ayala plaza (Barakaldo)

GIPUZKOA:
Urdaneta kalea, 2 (Donostia)
Antonio Gaztañeta kalea, 2 (Donostia)
Claudio Anton de Luzuriaga kalea, 1 (Donostia)
Txirrita Bertsolaria kalea, 24 (Donostia)
Santesteban Musikaria kalea, 3 (Donostia)
Ensantxe plaza, 6 (Irun)
Luis de Uranzu kalea, 11 (Irun)

NAFARROA:
Sarasate Pasealekua, 9 (Iruñea)
Sancho el Fuerte Etorbidea, 69 (Iruñea)

ONLINE

ADI! Online egiteko cl@ve sistema beharrezkoa da. Cl@ve sistemaz gehiago jakiteko:

Zelan egin izapideak internetez? Cl@ve sistema

Mercurio plataforman egin behar da. Hemen utziko dugu erabiltzailearentzako eskuliburua:

Mercurio plataforma. Erabiltzailearentzako eskuliburua.

Eskaera egiteko orrialdea honako hau da:

Erregularizazioa eskatzeko orrialdea

Ez da ezinbestekoa erregularizatu nahi duen pertsonak berak egitea eskaera. Laguntzaile edo ordezkariren batek ere egin dezake pertsona horren izenean.

Informaziorako telefonoa: 060
(ordutegia: 9:30etatik 14:00etara eta 16:30etatik 19:30etara, astelehenetik ostiralera)

Ministerioaren erregularizaziorako web orrialdea

Related Articles
Erregularizazio prozesua (2026)
Enplegua sustatzeko osagarria (subsidioarekin)
Enplegua sustatzeko osagarria (langabeziagatiko prestazioa eta lana)