Seguruenik bere momentuan entzun zenuten Madrilgo Gobernuak atera behar zuen gazteentzako alokairu bonuaz, apirilaren 28tik eska daitekeena.
Lege estatala izan arren eta funtsak Madriletik ipini arren, kudeaketa erkidego autonomikoei dagokie. Edozelan, laguntza hau ez da Hego Euskal Herrian martxan jarriko.
EAEn Gaztelagun eta Nafarroan Emanzipa programak dauzkagu eta horiexek izango dira hemendik aurrera ere Hego Euskal Herrian indarrean jarraituko dutenak, bakoitza bere betebehar, arau eta baldintzekin.
Artikulu honetara EAEko Gaztelagun programa ekarri dizuegu. Zertan datzan eta zelan eskatu behar den kontatzeaz gain, aprobetxatu dugu Jaurlaritzak komunikabideetan saldu dituen hobekuntzak lege estatalaren testuinguruan kokatzeko. #Spoilerra: zuri guztiak ez dira elurrak.