Nahiko ohikoa da, batez ere zenbait sektoretan, hitzarmen kolektiboek honelako plusak edo soldata-osagarriak jasotzea. Kasu guztietan langileek pairatzen dituzten osasun arriskuak “konpentsatzeko” balio dute.
Honela, hitzarmen kolektibo batzuetan zenbait arriskuri soldata-osagarrien bitartez ematen zaie erantzuna, baina kontuan izan behar dugu, beti ere, plus hauek ezin direla erabili enpresetan egin beharreko prebentzioa ordezkatzeko.
Plusa jaso ahal izateko, espezifikoki egon beharko da hitzarmenean jasota. Hau da, hitzarmen kolektiboa izan behar da plusa jasoko den ala ez ezartzen duena; lanpostu bat arriskutsu, toxiko edo nekagarritzat aitortze hutsak ez baitu automatikoki plusa jasotzeko eskubiderik ematen.
Jakin beharreko batzuk topatuko dituzue, baina, ikusiko duzuenez, hitzarmen kolektiboa izango da beti honen ezaugarriak finkatuko dituena.