Alarguntza pentsioa bizi osorako da; gainera, jaso bitartean, lan egin daiteke edota bestelako pentsio bat jaso. Pentsio kontributiboa da. Hilabetez hilabete eskubide honengatik langileok kotizazioak ordaintzen ditugu heriotza eta biziraupena kontzeptupean. Hainbat gauza aurkituko dituzue artikuluan:
Urte hasiera guztietan bezala, pentsioei errepasoa eman behar diegu. Abenduaren 24an 2026rako errebalorizazioa argitaratu zen BOEn. Bizilanen den-dena ondo azalduta ekarri dizuegu. Gutxieneko pentsioen taulak landurik aurkitu ahal izango dituzue, urte osoko zenbatekoaz gain, horrek hilabeteka zer suposatzen duen erraz ikus dezazuen. Gainera, ez gara ahaztu genero arrakala murrizteko osagarriaz, ezta etxebizitza osagarriaz ere.
Badakizuenez, alarguntza pentsioa ezkontideek zein izatezko bikotekideek eska dezakete. Gainera, iazko abenduan estatu mailako araudian kasu biak nahiko parekatu ziren. Baina, zer gertatzen da ezer sinatu ez den kasuetan? Momentura arte leiho bat zabalik zegoen harremana frogatu ahal izateko. Askoz zailagoa izan arren, zenbait kasutan auzitegiek alarguntza pentsioa ematearen alde eginak zuten, elkarbizitza beste bide […]