Diru-sarrera baxuak dituzten herritarrei (edo, hobeto esanda, familiei) bideratutako 200 euroko dirulaguntza hau ez da berria; aitzitik, iaz ere bazegoen martxan.
Hala ere, hainbat kontu aldatu dira: diru-sarreren maila (14.000€tik 27.000€ra altxatu da), familia unitatean sartzen diren kideak, baita balizko jasotzaileak ere (laguntza berri hau ezin izango dute eskatu langabezia prestazio edo subsidiorik jaso ez duten langabetuek).
ADI! Pentsiodunek edo bizitzeko gutxieneko diru-sarrera (“IMV”) jasotzen dutenek ere ezin dute eskatu.
Espainiako Estatuaren menpeko dirulaguntza bada ere, EAE eta Nafarroako Foru Ogasunek kudeatuko dute eta, hortaz, horiexei eskatu beharko diegu.
Internetez eskatu behar da, derrigor. Administrazioak ondo baino hobeto daki hau modu paregabea dela hainbat eta hainbat lagun kanpoan uzteko. Ahalegindu gara, beraz, ahalik eta argien azaltzen: