Legeak hainbat baimen ordaindu aitortzen ditu. Hauen bitartez, langileek denbora zehatz batez lanera huts egin dezakete, soldatarik galdu gabe, beti ere justifikatutako arrazoiren batengatik eta beti ere enpresari aldez aurretik abisatuta.
Ekainaren 30ean 5/2023 Lege-Dekretua hasi zen indarrean. Dekretu honek, bestelako neurri askoren artean, berritasunak ekarri ditu kontziliazio arloan. Izan ere, atal oso bat familia eta lana bateratzea helburu duen Europako Zuzentarau baten transposizioa da (2019/1158 Zuzentaraua). Honela, zenbait baimen hobetu dira, hala nola senideen gaixotasun edo ospitaleratzeagatiko baimena, eta beste baimen berri batzuk sortu dira: gurasoentzako 8 asteko baimenaz gain, ezinbesteko kausengatiko 4 eguneko baimena ere bai.
Gure artikuluan baimen ordaindu hauek guztiak goitik behera azaldu dizkizuegu eta, honetaz aparte, aprobetxatu dugu egun libreak har ditzakegun beste kasu batzuk ere ekartzeko.