2023ko martxotik posible da hiru arrazoi hauengatiko baja berezi bat eskatzea. Momentura arte, honelakoetan, baja arruntak eskatu behar genituen (oraindik ere posible daukagu), baina, artikuluan azaltzen dizuegun bezala, baja berezi berri hauek baldintza probetxugarriagoak dauzkate, bai aldez aurretiko kotizazioei, bai prestazioari begira. Edozelan, aukera berri hau izan arren, aurreikusi baino emakume gutxiagok eskatu izan dituzte. […]
Langile autonomoek, inoren konturako langileek bezala, aldi baterako ezintasun kasuetan baja hartzeko eskubidea daukate eta, hortaz, prestazioa jaso dezakete. Ikusiko duzuenez, babes mailari dagokionez, antzekotasun handiak daude, hala nola prestazioaren zenbatekoan edo bete beharreko baldintzetan. Hala ere, berezitasunak badira, jakina, erregimen ezberdin bi direnez gero.
2023ko apiriletik aurrera ez da beharrezkoa izango baja parteak enpresari ematea. Hau da, langileok ez dizkiogu enpresari ez baja, ez berrespen, ez alta parteak paperean aurkeztu beharko, administrazioak telematikoki eta zuzenean egingo du eta. 2023ko urtarrilean hainbat moldaketa egin dira, hilaren 5ean BOEn argitaratutako 1060/2022 Dekretuaren bitartez. Gogoratu dugu zeintzuk diren baja motak, iraupenaren arabera, […]