Aldi baterako ezintasun egoeran gaudenean, prestazioa jasotzeko eskubidea daukagu. Oro har, ordainketa enpresaren izenean egingo digute, nominarekin egin bezala. Hori bai, enpresak ingresatzen badigu ere, honek ez du esan nahi enpresa denik gastua egiten duena; aitzitik, ordainketa delegatuaz egiten ari da. Gerora, Gizarte Segurantzak edo mutualitateak dirua itzuliko dio. Garrantzitsua da jakitea zertan datzan hau […]
Gaixotasun edo lesio batek jotzen gaituenean, ohikoena izaten da, lehenengoz, aldi baterako ezintasun egoeran egotea eta, gerora, hobekuntzarik ezean, ezintasun iraunkor egoerara pasatzea. Ezintasun iraunkorra aitortzeko prozedura, zenbaitetan, ofizioz has daiteke, arazoa, esan bezala, luzatzen bada eta langilea osatuko ez dela aurreikusten bada. Baina langileak ere eskatu ahal du. Ezintasun iraunkorra eskatzeko zer egin behar […]
Heriotza eta biziraupen prestazioek langilearen balizko heriotzak beste pertsona batzuei ekar diezaiekeen kalte ekonomikoa konpentsatzeko helburua dute. Zurztasun pentsioa hauetako bat da, alarguntza pentsioa eta senideen aldeko pentsioa diren bezala. Gure artikuluan zurztasun pentsioen inguruan jakin beharreko guztia aurkituko duzue:
Alarguntza pentsioa bizi osorako da; gainera, jaso bitartean, lan egin daiteke edota bestelako pentsio bat jaso. Pentsio kontributiboa da. Hilabetez hilabete eskubide honengatik langileok kotizazioak ordaintzen ditugu heriotza eta biziraupena kontzeptupean. Hainbat gauza aurkituko dituzue artikuluan:
Egoera ezberdina izango da segun eta langabeziagatiko prestazioa edo langabeziagatiko subsidioren bat kobratzen ari zaren. Langabeziagatiko prestazio kontributiboa jasotzen duzun bitartean, hainbat kotizazio ere egingo dira. Kontingentzia profesionalak kanpo gelditzen badira ere, hau da, langabezia, lan istripu edo gaixotasunagatik, FOGASA eta lanbide heziketagatik kotizatzen ez badugu ere, kontingentzia arruntengatiko kotizazioak bai egingo ditugu: jubilazioa, osasun […]
Iaztik praktikak egiten dituzten ikasle guztiak alta emanda egon behar dira eta eurengatik kotizatu behar da. Gainera, aldez aurretik praktikak egin zituztenek hitzarmen berezi bat sina dezakete, praktiketan emandako denbora guztia kotizatutzat jo dadin. Bada, abuztuaren 1ean aldaketa batzuk izan dira hitzarmen berezi honetan. Gure artikulua eguneratu dugu eta, besteak beste, azalpen-dokumentu bat gehitu dugu.
Martxoaren 28ko BOEn 2024rako kotizazio oinarri berriak argitaratu ziren eta, jakina, Bizilanen dena txukun eta garbira pasaturik ekarri dizuegu. 😊 Hiru erregimenetako oinarri eta tipoak aurkituko dituzue: Honetaz gain, eta Garamendiren azken boutadeak gogoan, kotizazio sozialak hobeto azaltzeko aprobetxatu dugu. Ez dira enpresariei aplikatzen zaien aparteko zerga edo gastu moduko bat eta are gutxiago dira […]
Bizilaneko artikuluetan behin baino gehiagotan irakurri ahal izan duzue termino hau. Izan ere, Gizarte Segurantzaren hainbat prestazio jaso ahal izateko, alta egoeran edo alta pareko egoeran egotea exijitzen da. Honelakoetan, gure lan jarduera amaitu da, baina ulertzen da alta egoerak iraun behar duela, hainbat eskubideren jabe izaten jarraitzeko. Hau da, ez gaude lanean eta, hortaz, […]
Praktikak egiten dituzten ikasleek urtarrilaren 1etik Gizarte Segurantzan kotizatu behar dute. Neurri hau, berez, 2023ko urriaren 1ean hasi behar zen indarrean, baina 2024ko urtarrilera atzeratu zen (5/2023 Lege Dekretua). Zertan datzan hobeto jakin nahi baduzue, hementxe daukazue artikulua:
Pentsioen erreformaren dekretuak hainbat berritasun ekarri zituen kotizazioei begira. Horietako bat ikasleek egiten dituzten praktiken ingurukoa da. 2023ko urriaren 1etik ikasle hauek Gizarte Segurantzan alta emanda egon beharko dira eta kotizatu beharko dute. Praktika mota ezberdinak gainetik azaldu ditugu, laster batean Bekadunaren Estatutua argitaratu behar da eta horrek hainbat aldaketa ekarriko baititu. Horretaz gain, praktiketan […]