Kaleratze motak aztertzean, sailkapen nagusi bi egin behar dira. Alde batetik, kaleratzea enpresaren alde bakarreko erabakia den heinean, beronek ematen dituen arrazoien arabera sailkatzen dira. Hauen artean, diziplinazko kaleratzea, kaleratze objektiboa eta kaleratze kolektiboa dauzkagu. Bestetik, langileak erabaki hau inpugnatzen duenean, epaitegien erabakiaren arabera, kaleratzea bidezkoa, bidegabea ala baliogabea izan daiteke. Hemen azken honetaz aritu […]
2021eko abenduko lan erreformaren ostean, aldi baterako kontratuak erabiltzeko aukerak murriztu ziren. Lehen gehien erabiltzen zen aldi baterako kontratu mota (obra edo zerbitzu kontratua, alegia) desagertu egin zen eta modalitate bi baino ez ziren gelditu: • Ekoizpenaren gorabeherengatiko behin-behineko kontratuak• Ordezkapen kontratuak Kontratu mota bi hauen ingurukoak kontatzeaz gain, ze nolako kalte-ordainak jasotzeko eskubidea daukagun […]
Zertan datza hainbestetan entzuten den “kaleratze objektiboa”? Zer gertatzen da kaleratzea bidegabetzat jotzen bada? Eta noiz izan daiteke kaleratze bat baliogabea? Ze nolako kalte-ordainak dagozkio mota bakoitzari? 🤔 Hainbat eta hainbat zalantza sortu ahal dizkigute kaleratzeek. Izan ere, hauek aztertzean, sailkapen nagusi bi egin behar dira: Alde batetik, enpresak ematen dituen arrazoien arabera sailkatzen dira. […]
Lan harremana amaitzen denean (arrazoia edozein dela ere), enpresak langileari zenbait kantitate zor dizkio. Orduan, enpresak proposamen bat egin behar du idatziz eta bertan azaldu zeintzuk diren ordaintzeko falta dituen kantitateak. Horixe da finikitoa edo kitatze-agiria: langilearekiko zorrak kitatzeko dokumentua, hain zuzen. Gure artikuluan hainbat azalpen eta gomendio aurkituko dituzue: zer azaldu behar den kitatze-agirian; […]
Enpresak, askotan, kaleratze prozesuetan, langilea engainatzen ahalegintzen dira. Tranpa hauek delitu izatera ere hel daitezke. Betiko moduan, zenbaitek uste dute eurentzat dena dela zilegi. Bilatzen dutena, jakina, dagokiena baino gutxiago ordaintzea izaten da. Honetarako, hainbat tranpa erabiltzen dituzte, kaleratzea inpugnatzeko epea pasa dakigun edo inpugnazioa bera ekiditeko. Denetarik aurkituko duzue: okerreko datak, epeak pasa daitezen; […]
Gaur dakarkizuegun gaia kaleratze gutuna da. Kaleratze gutunak berebiziko garrantzia dauka kaleratze prozesuetan. Izan ere, enpresak ez badigu dokumentu hau ematen edo ez badu behar bezala osatzen, hau da, gutunak ez badu hainbat betebehar formal jasotzen, honek kaleratzea bidegabetzat jotzea ekar lezake. Gure artikuluan, kaleratze gutunak jaso behar dituenak azaltzeaz gain, hainbat gomendio ere eman […]
Gaur dakarkizuegun gaiak ez dauka zerikusirik lan erreformarekin (izan ere, kaleratzeei dagokienez ez da puntu bat bera ere ikutu). Hala ere, aspalditik ekarri nahi genizuen kaleratze mota hau. Enpresa askok, langileren bat kaleratu nahi dutenean, diziplinazko kaleratzea aplikatzen dute, edozein aitzakia edo gezur erabilita. Arrazoia? Honela ez dutelako kalte-ordainik pagatu behar. 😬 Artikulu honetan kaleratze […]
Langileok hutsegiteren bat egiten dugunez, enpresariak zuzenean zigortzeko aukera dauka. hala ere, honek ez du esan nahi guk zehapen hori, besterik gabe, onartu behar dugunik. Artikulu honetan hainbat kontu garrantzitsu azaldu dizkizuegu: Zeintzuk diren hutsegite eta zehapen mailak Noiz iraungitzen diren hutsegiteak Ze jaso behar duen zehapen karta eta zelan jokatu behar dugun guk Ze […]